BOKS: APB jobasy boıynsha saıystar ótetin elder belgili boldy
ALMATY. QazAqparat - Halyqaralyq áýesqoı boks qaýymdastyǵynyń (AIBA) APB (AIBA kásipqoı boks) jobasy boıynsha qazaqstandyq boksshylardyń saıystary ótetin elder belgili boldy. Bul týraly búgin Qazaqstannyń boks federatsııasynan habarlady.
49 keli salmaq dárejesindegi jekpe-jekter Qytaıda ótedi. 2013 jylǵy Álem chempıony Birjan Jaqypov alǵashqy saıysta jergilikti boksshy Lý Bınmen kezdesedi. Sondaı-aq osy salmaq kategorııasynda 2014 jylǵy Azıada chempıony Djongýn Shın (Ońtústik Koreıa), 2012 jylǵy London Olımpıadasynyń qola júldegeri Davıd Aırapetıan (Reseı), Mark Barrıga (Fılıppıny), Patrık Loýrenso (Brazılııa) jáne Leandra Blank (Argentına) óner kórsetedi.
52 keli salmaq dárejesindegi saıystar Reseıdiń Novosibir qalasynda ótetin boldy. Munda 2014-shi jylǵy Azıada chempıony Іlııas Súleımenov alǵashqy jekpe-jekte 2013 jylǵy Álem chempıonatynyń kúmis júldegeri Jasurbek Latıpovpen qolǵap túıistiredi. Sonymen qatar osy salmaq dárejesindegi saıystarǵa Elıas Emıgdıo (Meksıka), Aleksandr Aleksandrov (Bolgarııa), Redýan Aslým (Frantsııa), 2013 jylǵy Álem birinshiliginiń kúmis júldegeri Muhammed Flıssı (Aljır), Ferando Martınez (Argentına), Álemniń eki dúrkin chempıony Mısha Aloıan (Reseı) jáne 2008 jylǵy Beıjiń Olımpıadasynyń qola júldegeri Vınchentso Pıkardı (Italııa) qatysady.
81 keli salmaq dárejesindegi saıystardy Bolgarııa qabyldaıdy. 2012 jylǵy London Olımpıadasynyń, 2013 jylǵy Álem birinshiliginiń kúmis júldegeri, 2014 jylǵy Azııa oıyndarynyń jeńimpazy Ádilbek Nııazymbetov alǵashqy saıysta frantsýz Metıý Baderlıkpen judyryqtasady. Osy salmaq dárejesinde Spas Genov (Bolgarııa), Azııa oıyndary men álem birinshilikteriniń júldegeri Ehsan Rýzbahanı (Iran), Eýropa chempıony Nıkıta Ivanov (Reseı), Azııa chempıony Oıbek Mamazulýnov (Ózbekstan), Ábdelhafıd Benchabla (Aljır) jáne 2011 jylǵy Eýropa chempıony Djo Ýard (Irlandııa) óner kórsetedi.
91 kelige deıingi salmaq dárejesine keler bolsaq, saıystar Italııada ótedi. 2014 jylǵy Azııa oıyndarynyń chempıony Anton Pınchýk alǵashqy jekpe-jekte argentınalyq ıAmıl Peraltamen saıysady. Sondaı-aq osy salmaq dárejesindegi saıystarǵa 2012 jylǵy London Olımpıadasynyń qola júldegeri Tervel Pylev (Bolgarııa), ıAvonta Charlz (AQSh), Shoýab Býlýdınats (Aljır), 2013 jylǵy álem birinshiliginiń qola júldegeri Emır Ahmatovıch (Germanııa), Eýropa chempıony Alekseı Egorov (Reseı) jáne pro-boksıng jobasynyń úzdik boksshylarynyń biri - álemniń eki dúrkin chempıony ıtalıandyq Klemente Rýsso qatysady. Sonymen, birinshi kezeń ústimizdegi jyly 24-shi qazanda jáne 1-shi qarashada ótedi. Ekinshi kezeń 21-shi jáne 29-shy qarashada, al úshinshi kezeń 12-shi jáne 20-shy jeltoqsanda ótedi. Saıystar 6 raýndtan turady. Fınaldyq kezdesýler 2015 jyldyń 23-shi, 24-shi, 30-shy jáne 31-shi qańtarynda bolady. Munda saıystar 8 raýndtan turady.
Qazir bokstan Qazaqstannyń ulttyq qurama komandasy Astana qalasynda oqý-jattyǵý jıynyn ótkizýde.
Esterińizge sala ketelik, buǵan deıin habarlaǵanymyzdaı, 60 keli salmaq dárejesindegi saıystar Astana qalasyndaǵy «Dáýlet» sport kesheninde ústimizdegi jyldyń 24-shi qazanynda, 21 qarashasynda jáne 20-shy jeltoqsanynda ótedi.
Bul salmaq kategorııasynda Aqtaý qalasynyń týmasy Berik Ábdirahmanov, brazılııalyq boksshy Robson Konseısao (2013 jylǵy ÁCh kúmis júldegeri), ıtalıalyq Domenıko Valentıno (2013 jylǵy ÁCh qola júldegeri), reseılik Dmıtrıı Polıanskıı (RF eki dúrkin chempıony), germanııalyq Artýr Brıl (jastar arasyndaǵy burynǵy álem chempıony), ózbek Hurshıd Tájibaev, fılıppındik Charlı Sýares jáne ırlandyq boksshy Devıd Djoıs óner kórsetedi.
Otandasymyz alǵashqy jekpe-jekte Devıd Djoıspen judyryqtasady.
