BOKS: APB jekpe-jekterin ótkizýdiń turaqty kezeńderi jarııalandy
ASTANA. QazAqparat- Halyqaralyq áýesqoı boks qaýymdastyǵy (AIBA) APB (AIBA Kásipqoı Boksy) jobasynyń matchtaryn ótkizýdiń turaqty kezeńderin jarııalady. Bul týraly búgin Qazaqstannyń boks federatsııasynyń baspasóz qyzmetinen habarlady.
Endi alǵashqy tsıkldyń alǵashqy matchtary ústimizdegi jyldyń 29 mamyrynda ótkiziledi.
Árbir salmaq dárejesindegi 8 boksshy chempıondyq belbeýge jańa úmitkerdi anyqtaý úshin ádettegideı reıtıngteri boıynsha 2 jekpe-jekten ótkizetin bolady. Al keıin úmitker qazirgi chempıonmen kezdesedi.
APB-diń árbir tsıkly bes aıǵa jýyq ýaqytqa sozylady jáne eki reıtıngtik, bir «belbeýlik» kezdesýden turady. ıAǵnı, jyl saıyn APB jobasynyń árbir 10 salmaq sanaty boıynsha «tıtýldyq» kezdesýlerden turatyn eki tsıkly ótkiziledi.
Qazir álemniń kóptegen qalalary tarapynan APB jobasynyń jekpe-jekterin ótkizý boıynsha suranystardyń artýyna baılanysty, AIBA uıymy 2015 jyly APB-diń birinshi jáne ekinshi tsıkldaryn ótkizýge nıet bildirgen qalalardy tańdaý boıynsha baıqaý jarııalady.
Taǵy bir aıta ketetin jáıt, 2015 jyldyń birinshi tsıkly 2016 jyly Rıo-de-Janeıra (Brazılııa) qalasynda ótetin jazǵy Olımpıada oıyndaryna irikteýdiń bir joly bolmaq. Munda árbir salmaq dárejesine 2 joldama berilgen. ıAǵnı, chempıondyq ataq úshin aqtyq synǵa shyqqan eki boksshy da olımpıadalyq lıtsenzııaǵa ıe bolady. Osylaısha, birinshi tsıkldyń ekinshi kezeńin Olımpıadanyń irikteý týrnıri dese de bolady. Aıta ketelik, APB boksshylaryna AIBA-nyń Áýesqoı olımpıadalyq boks jobasynyń kvalıfıkatsııalyq olımpıadalyq týrnırlerine qatysýǵa ruqsat berilgen.
