BOKS: Anselmo Moreno 12-shi ret álem chempıony ataǵyn qorǵap qaldy
ASTANA. QazAqparat - Panamalyq Anselmo Moreno 53,52 keli salmaq sanatynda Búkilálemdik boks qaýymdastyǵynyń nusqasy boıynsha álem chempıony ataǵyn qorǵady.
Panama astanasynda ótken 12 raýndtyq jekpe-jekte ol argentınalyq Havera Chakonnan tóreshiler sheshimimen basym tústi.
Panamalyq barlyq raýndta da qarsylasynan kúshi basym ekendigin anyq dáleldedi. Tipti ekinshi raýndta qarsylasyn eki márte nokdaýnǵa da jiberdi. Sonymen jekpe-jek qorytyndysynda tóreshiler 117:108, 117:109, 118:108 esebimen jeńisti A.Morenonyń qanjyǵasyna baılady.
Osylaısha, sońǵy alty jyl boıy chempıondyqty eshkimge bermegen 28 jastaǵy Moreno óz ataǵyn 12-shi ret qorǵap otyr. Ol 35 jeńiske jetip, (12 nokaýt), 2 márte jeńilistiń aşy dámin tatqan. Sonymen qatar bir ret qarsylasymen teń túsken.
