Boks ańyzdary Meıvezer men Pakıao qyrkúıekte qaıta kezdesedi

ASTANA. KAZINFORM – Floıd Meıvezer men Mennı Pakıao arasyndaǵy revansh 19 qyrkúıekte Las-Vegastyń Sphere arenasynda ótedi. Bul týraly The Ring basylymy habarlady.

Dúısenbi Netflix  resmı túrde ańyzdardyń qaıta kezdesetinin jarııalady. Sondaı-aq The Ring basylymy Meıvezer men Pakıao arasyndaǵy ekinshi jekpe-jektiń qyrkúıek aıynda Las-Vegasta ótetinin habarlap, al Sphere arenasy osy aýqymdy oqıǵany ótkizgisi kelip otyr dep jazǵan edi.

Ótken aptada Meıvezer kásibı boksqa qaıta oralatynyn jarııalady. Bul týraly ol Maık Taısonmen 25 sáýirde ótkizgen kórsetilimdik jekpe-jeginen keıin habarlaǵan.

– Men Mennımen bir ret jekpe-jek ótkizgenmin jáne ony jeńgenmin, bul joly nátıje solaı bolady – dedi Meıvezer Netflix resmı habarlamasynda.

Sonymen qatar 47 jastaǵy Pakıao 18 sáýirde Thomas & Mack Center sport kesheninde Rýslan Provodnıkovpen kórsetilimdik jekpe-jek ótkizedi. Bes aıdan keıin ol Meıvezerge qarsy revansh alý múmkindigine ıe bolady.

– Biz Floıdpen birge álemge, bálkim, boks tarıhyndaǵy eń aýqymdy jekpe-jekti syıladyq. Kórermender uzaq ýaqyt kútkeni belgili, olar bul revanshqa laıyq, endi ol álem boıynsha Netflix arqyly tikeleı efırde kórsetiletin bolady. Men Floıdtyń kásibı mansabynda jalǵyz ǵana jeńilisin este saqtap, ony umytpaıtyn bolýyn qalaımyn. Árdaıym osy jekpe-jekti búkil álemdegi fılıppındik otandastaryma arnaımyn jáne Fılıppındi dáripteýge baǵyttaımyn, – dedi Pakıao Netflix resmı habarlamasynda.

Eske sala keteıik, Mennı Pakıao resmı túrde bokstan ketetinin jarııalaǵan edi.