BOKS: Amerıkalyq Moslı WBA nusqasy boıynsha «ýaqytsha» álem chempıony Avanesıanmen jekpe-jekke shyǵady
ASTANA. QazAqparat - Úsh salmaq dárejesindegi burynǵy álem chempıony amerıkalyq Sheın Moslı kelesi jekpe-jegin Búkilálemdik boks qaýymdastyǵynyń (WBA) nusqasy boıynsha «ýaqytsha» álem chempıony reseılik Davıd Avanesıanmen ótkizedi.
Bul týraly fightnews.com portalynda habarlandy.
Kezdesý 28 mamyrda Glendeılde (AQSh, Arızona shtaty) bolady. Ony promoýterlik kompanııasy bar Moslı ótkizedi. Bul jekpe-jek týraly amerıkalyq Los-Andjelestegi boks keshinde jarııalady.
2013 jyly avstralııalyq Entonı Mandaınnan jeńilgen Moslı bokstan ketti, alaıda 2015 jyly sharshy alańǵa oralyp, nıkagarýalyq Rıkardo Maıorgýdy jeńdi.
44 jastaǵy Moslı 48 ret jeńiske jetti (40 nokaýtpen), 9 ret jeńildi jáne 1 kezdesýde qarsylasymen teń tústi.
27 jastaǵy reseılik 21 ret jeńgen (10 nokaýtpen), 1 ret jeńildi jáne 1 kezdesýde qarsylasymen teń tústi.
