BOKS: Almatyda QR Prezıdentiniń Kýbogy halyqaralyq týrnıri ótedi
ALMATY. QazAqparat- Almatyda aldaǵy 7-14 shilde aralyǵynda «Bokstan Qazaqstan Respýblıkasy Prezıdentiniń Kýbogy» halyqaralyq týrnıri ótedi, dep habarlady sports.kz portaly.
Aldyn ala málimetter boıynsha 7 shilde kúni Balýan Sholaq atyndaǵy sport saraıynda 12 memlekettiń boksshylary baq talastyrady. Olar: Qazaqstan, Kýba (komanda quramynda Olımpıada chempıony Robeısı Ramıres te bar), Reseı, Ózbekstan, Qyrǵyzstan, Tájikstan, Mońǵolııa, Armenııa, Túrkimenstan, Fıllıpın, Ýkraına jáne Taıland elderiniń sańlaqtary. Bokstan Qazaqstan Ulttyq qurama komandasy óziniń barlyq quramyn sharshy alańǵa shyǵarǵaly otyr.
