Boks: Álı Ahmedov amerıkalyqty 30 sekýndta nokaýtqa jiberdi

NUR-SULTAN. QazAqparat – Qazaqstandyq kásipqoı boksshy Álı Ahmedov Golovkın-Derevıanchenko boks keshiniń anderkartynda WBC beldigi úshin amerıkalyq Endrıý Ernandespen (20-7-2, 9 KO) jekpe-jek ótkizdi, dep habarlaıdy QazAqparat tilshisi.

Jekpe-jekke Ahmedovtiń enshisindegi sýperorta salmaq sanatyndaǵy WBC International Silver chempıondyq beldigi tigilgen bolatyn. On eki raýndqa josparlanǵan jekpe-jek birinshi raýndta tehnıkalyq nokaýtpen aıaqtaldy. Ernandes 30-sekýndta aýyr soqqy jiberip alǵan soń, tóreshi aıqasty jalǵastyra almaıdy dep sheshti.

Osylaısha Álı Ahmedov beldigin alǵash ret qorǵady. 24 jastaǵy jeńilip kórmegen qazaqstandyq boksshy on altynshy jeńisine qol jetkizdi. Endrıý Ernandes segizinshi ret jeńiliske ushyrady.