Boks: Álı Ahmedov AQSh-ta tıtýldyq aıqas ótkizedi
ASTANA. QazAqparat - Qazaqstandyq boksshy Álı Ahmedovtyń kelesi jekpe-jeginiń qaıda jáne qashan ótetini belgili boldy, dep habarlaıdy Sports.kz.
Ahmedov jastar arasyndaǵy jartylaı aýyr salmaqta óziniń WBC tıtýlyn qorǵaıtyn bolady. 22 jastaǵy qazaqstandyq boksshy amerıkalyq kishi Roberto Sılvamen jekpe-jekke shyǵady.
Aıqas 8 jeltoqsanda Round Rock Sports Center-de (AQSh, Tehas) ótedi. Sondaı-aq taǵy bir otandyq boksshy Iskander Harsan amerıkalyq Davıd Alfaromen baq synamaq.
Eske salaıyq, 9 qyrkúıek kúni Astanada ótken boks keshinde Ahmedov segizinshi raýndta tehnıkalyq nokaýtpen amerıkalyq Djastın Tomasty jeńgen edi.
