Boks: Álem chempıony Maıorga sharshy alańǵa qaıta oralmaq
ASTANA. QazAqparat - Kásibı boksshylar arasynda eki salmaq sanatyndaǵy álem chempıony nıkaragýalyq Rıkardo Maıorga amerıkalyq Raýl Mýnospen jekpe-jekke shyǵýdy josparlaýda.
Bul týraly Maıorga Boxingscene.com. saıtynda habarlady.
Maıorganyń aıtýynsha, onyń sharshy alańǵa qaıtyp oralýy 21 aqpanda 72, 6 kelige deıingi salmaq sanatyndaǵy aıqasta kútiledi. Al amerıkalyqtyń esebinde 22 jeńis (16 nokaýt), 16 jeńilis, 1 ret teń oıyn bar. Ol sońǵy aıqasta oısyraı jeńilip, 2012 jylǵy qazannan bastap sharshy alańǵa shyqqan joq.
Maıorga bolsa 2011 jylǵy naýryzdan bastap sharshy alańda kórinbegen, sońǵy alty aıqastyń tek úsheýinde ǵana jeńiske jetti. Onyń barlyq oıyn tiziminde 29 jeńis (23 nokaýt), 8 jeńilis, 1 teń oıyn bar.
