Boks: álem chempıonatynda jeńister jalǵasyp jatyr
ASTANA. 3 jeltoqsan. QazAqparat -Armenııa astanasy Erevanda ótip jatqan jastar arasyndaǵy álem chempıonatynda senbi kúni sharshy alańǵa shyqqan boksshylarymyzdyń bári jeńiske jetti.
Asa jeńil salmaqta Ádilet Qurmetov ýkraın Igor Sopınskııden basym tústi -13:12.
56 kelide Ádilet Ádiljanov cheh Vıktor Agateljandy 20:8 esebimen utty.
69 kelide Aıtjan Shileev ırandyq Salara Tahmasbı Mohammadty 14:4 esebimen ońaı jeńdi. Bir qyzyǵy Aıtjan endi kelesi kezeńde Mońǵolııa quramasyndaǵy qazaq Erǵan Qýatulymen judyryqtasady.
75 kelide Dáýlet Baıǵabatov Vader Aladavıdi eline qaıtardy. Kezdesý ekinshi raýndta toqtatyldy, dep habarlaıdy «Alaman» sport agenttigi.
