Boks: Álem chempıonatynda qazaqstandyq qyzdar úzdik 12 komandanyń qataryna endi
ALMATY. Qyrkúıektiń 20-sy. QazAqparat /Erlik Erjanuly/ - Bokstan keshe Barbodosta márege jetken áıelder arasyndaǵy VI Álem chempıonatynda Qazaqstan quramasy úzdik 12 komandanyń qataryna endi.
Aqtyq synda 81 keli salmaqta óner kórsetken Marına Volnova brazııalııalyq Roselı Feıtosaǵa 12:3 esebimen ese jiberip, kúmis júldeger atandy. Buǵan deıin jartylaı fınalda rýmynııalyq Stelıýta Dýteden 10:5 esebimen jeńilis tapqan Nazgúl Boranbaeva (48 kg) qola júldege ıe bolǵan edi. Onda beıresmı komandalyq esepte 1-shi oryndy 2 altyn, 1 kúmispen - Reseı, 2-shi oryndy 1 altyn, 3 kúmis, 3 qola júldemen Qytaı quramasy ıelendi. Al úzdik úshtikti 1 altyn, 1 kúmis medalǵa ıe bolǵan Soltústik Koreıa sportshylary túıindedi. Onda reseılikter qorjynyna altyn medaldi aqtyq synda soltústik koreıalyq Hı Son Kımdfty jeńgen Elena Saveleva (54 kg) men ýkraındyq Katerına Kýjelden basym túsken Nadejda Torlopova (+81 kg) saldy. Al Qytaı quramasynan Kankan Ren (51 kg), Soltústik Koreıa quramasynan Jý Kým ıÝn (57 kg) óz eline Álem chempıonatynyń altyn medalin syılady.
