BOKS: Aleksandr Povetkın kelesi jekpe-jegin bıylǵy qazanda ótkizedi
ASTANA. QazAqparat - Asa aýyr salmaqtaǵy reseılik boksshy Aleksandr Povetkın óziniń kelesi jekpe-jegin bıylǵy qazan aıynda ótkizedi.
Bul týraly promoýter Andreı Rıabınskıdiń baspasóz qyzmetine silteme jasap reseılik BAQ habarlady.
Alaıda bul osy jekpe-jektiń kúni men bolashaq qarsylasy jaıynda naqty aqparat joq. Aıta keteıik, sońǵy ret A. Povetkın bıylǵy mamyrda 7 aı úzilisten keıin nemis boksshysy Manýel Charrmen judyryqtasyp, qarsylasyn nokaýtpen utty.
Máskeýde ótken jekpe-jek jetinshi raýndta reseıliktiń jeńisimen aıaqtaldy. Al osyǵan deıin, 2013 jyldyń qazanynda Máskeýde ótken kezdesýde Klıchko Povetkındi tóreshilerdiń sheshimi boıynsha upaı sanymen jeńgen bolatyn. Aıta keteıik, sol joly orys boksshysy óz mansabynda tuńǵysh ret jeńilistiń aşy dámin tatqan bolatyn.
