Boks: Aleksandar Povetkın álemniń «turaqty» chempıony ataǵyn qorǵap qaldy
ASTANA. 30 qyrkúıek. QazAqparat - Reseılik Aleksandr Povetkın asa aýyr salmaqta Búkilálemdik boksshylar qaýymdastyǵynyń nusqasy boıynsha álemniń «turaqty» chempıony ataǵyn qorǵap qaldy.
Búgin ol Germanııanyń Gambýrg qalasynda amerıkandyq Hasım Rahmandy ekinshi raýndta tehnıkalyq nokaýtpen utty, dep habarlady RIA Novostı.
A.Povetkın WBA chempıony ataǵyn 2011 jyly ózbekstandyq Rýslan Chagaevti jeńip ıelengen edi. Al qazirgi ýaqytta WBA sýperchempıony ýkraındyq Vladımır Klıchko.
Povetkınge óz ataǵyn qorǵap qalý úshin Rahmanmen judyryq túıistirý mindetti bolatyn. boksshylar arasyndaǵy jekpe-jek shilde aıynyń ortasynda ótýi tıis edi. Biraq Rahmannyń jaraqat alyp qalýyna baılanysty keıinge shegerilgen bolatyn.
Endi Povetkın 2013 jyldyń sáýirine deıin WBA sýperchempıony ýkraındyq Vladımır Klıchkomen jekpe-jekke shyǵýy tıis. Biraq ol úshin V.Klıchko 10 qarashada polıak boksshysy Marıýsh Vahty jeńýi kerek.
