BOKS: Ádilbek Nııazymbetov - jartylaı fınalda
ASTANA. 23 qazan. QazAqparat - London Olımpıadasynyń kúmis júldegeri Ádilbek Nııazymbetov bizdiń qurama sapyndaǵy jartylaı fınalǵa ótken kezekti boksshy atandy, dep habarlady sports.kz.
81 kelige deıingi salmaq dárejesinde óner kórsetken Ádilbek 1/2 fınalǵa shyǵý úshin úndi boksshysy Sýmıt Sangvanmen kim myqtyny anyqtaǵan.
Kezdesý qorytyndysynda qazaqstandyq sportshynyń mereıi ústem boldy.
Eske sala keteıik, buǵan deıin jartylaı fınal joldamasyna Birjan Jaqypov (49 kg), Qaırat Eralıev (56 kg), Berik Ábdirahmanov (60 kg), Mereı Aqshalov (64 kg), Danııar Eleýsinov (69 kg), Jánibek Álimhanuly (75 kg) jáne Ivan Dychko (91 kg) ıe bolǵan edi.
