Boks: Á.Nııazymbetov Qazaqstan qorjynyna 5-shi altyn saldy
ASTANA. QazAqparat - Bangkokte ótip jatqan bokstan Azııa chempıonatynda Ádilbek Nııazymbetov Azııa chempıony atandy.
Aıta keterligi, Á.Nııazymbetovtyń fınaldyq kezdesýdegi qarsylasy ózbekstandyq Elshod Rasýlov jaraqatyna baılanysty sharshy alańǵa kóterilýden bas tartqan bolatyn. Osylaısha, Qazaqstan boksshysy jeńimpaz dep tanylyp, el quramasynyń qorjynyna besinshi altyn tústi. Buǵan deıin 52 keli salmaq sanatynda sharshy alańǵa kóterilgen jerlesimiz Oljas Sáttibaev buǵan deıin ózbek boksshysy Shahobıddın Zoırovti jeńip, elimizdiń qorjynyna alǵashqy altyn medal salǵan bolatyn. Odan keıin Danııar Eleýsinov Jasóspirimder arasynda 2011 jyly álem chempıony bolǵan fılıppındik Eýmır Martsıaldy jeńip, Azııa chempıony atanǵan edi. Sondaı-aq Vasılıı Levıt te ózbek boksshysy Rýstam Týlaganovtan aılasyn asyryp, qorjynymyzǵa úshinshi altyn salǵan edi. Al 91 keliden joǵary salmaq sanatynda sharshy alańǵa shyqqan I.Dychko qytaılyq boksshy Jıbao Vangtan basymdyq tanytyp, Qazaqstan qorjyny Ivannyń 4-shi altynymen tolyqty. Ókinishke oraı, 60 keli salmaq sanatynda shashy alańǵa kóterilgen boksshymyz Zákir Safıýllın 2014 jylǵy Azıada chempıony atanǵan mońǵol boksshysy Otgondala Dorjnıambýýǵa ese jiberip, kúmis medaldi qanaǵat tutqan bolatyn.
