Boks-2025 álem chempıonaty: Qazaqstan boksshylarynyń jekpe-jekterin qaıdan kórýge bolady

ASTANA. KAZINFORM — Bastap Anglııanyń Lıverpýl qalasynda ótip jatqan World Boxing uıymy aıasyndaǵy 2025 jylǵy álem chempıonatynda búgin tórt qazaqstandyq boksshy rıngke shyǵady, dep habarlaıdy Sports.kz.

Qazaqstan atynan erler arasynda Beıbarys Jeksen (60 kg) men Tórehan Sabyrhan (70 kg), áıelder arasynda Vıktorııa Grafeeva (60 kg) jáne Nadejda Rıabets (75 kg) óner kórsetedi.

Olardyń jekpe-jekterin «Qazsport» telearnasynan tikeleı efırde kórýge bolady.

Jekpe-jek kestesi:

Kúndizgi sessııa (Astana ýaqytymen 15:00):

• 10-jup (rıng B). Erler. 70 kg. 1/16 fınal. Tórehan Sabyrhan — ıÝsef Islam ıAısh (Aljır).

Keshki sessııa (22:00):

• 7-jup (rıng A). Áıelder. 60 kg. 1/16 fınal. Vıktorııa Grafeeva — Doneta Sadıký (Kosovo).

• 9-jup (rıng A). Áıelder. 75 kg. 1/16 fınal. Nadejda Rıabets — Lına Van (Qytaı).

• 13-jup (rıng A). Erler. 60 kg. 1/16 fınal. Beıbarys Jeksen — Djýnmılardo Ogaıre (Fılıppın).

Eske sala keteıik, World Boxing uıymynyń bastamasymen ótip jatqan álem chempıonatynyń alǵashqy kúninde Qazaqstan quramasynan Elına Bazarova jarysty aıaqtaǵan bolatyn.