Boks: 2020 jyldyń úzdik nokaýty anyqtaldy
NUR-SULTAN. QazAqparat – Boxingscene.com saıty ótken jyldyń eń úzdik nokaýtyn anyqtady, dep habarlaıdy QazAqparat tilshisi.
Úzdik nokaýt ıesi retinde reseılik boksshy Aleksandr Povetkın (36-2-1, 25 KO) tanyldy. Ol ótken jyldyń 22 tamyzynda brıtandyq Dıllıan Ýaıtty (27-2, 18 KO) aýyr nokaýtqa jibergen edi. Jalpy, onyń aldyndaǵy eki kezdesýde de reseılik nokaýtqa ushyrap, jeńilis tapqan bolatyn. Osy nokaýttyń arqasynda Aleksandr Povetkın álem chempıony «ýaqytsha» tıtýlyn jeńip alǵan.
Úzdik nokaýt ıesi tizimine Povetkınnen basqa Raıan Garsııa, Jo Jorj, Hose Sepeda, Jervonta Devıs pen Entonı Joshýa úmitker edi. Alaıda reseıliktiń baǵy janyp otyr.
