BOKS: 11 qazaqstandyq boksshy halyqaralyq týrnırdiń fınalyna joldama aldy
ASTANA. QazAqparat - 11 qazaqstandyq boksshy Almatyda eresekter arasynda ótip jatqan «Qazaqstan Respýblıkasy Prezıdentiniń Kýbogy» atty bokstan IV halyqaralyq týrnırdiń fınalyna shyqty, dep habarlaıdy QR boks federatsııasynyń baspasóz hatshysy Vıktor Prıanıkov.
Sharshy alańǵa alǵash bolyp shyqqan Birjan Jaqypov (49 kg) reseılik Rasýl Salıevten 3:0 esebimen basym tústi. Jomart Erjan ózbek sportshysy Hasanbaı Dýsmatovtan jeńilip qaldy (2:1). Endi altyn úshin básekede Jaqypov pen Dýsmatov baq synasady.
Іlııas Súleımenov (52 kg) fıllıpındik Reı Salýdardan jeńildi (2:1), ol fınalda ózbekstandyq Shahobıddın Zoırovpen judyryqtasady.
Qaırat Erálıev (56 kg) reseılik Zınat Jandybaevty jeńdi (3:0), ol fınalda Janbolat Tilegenulymen baq synasady.
QR chempıony Almasbek Álibekovtiń judyryqtasýy (64 kg) taılyq Výttıchaı Masýkýdan kemshin tústi (2:1). Fınalda Výttıchaı kýbalyq Lýıs Olıve Generaǵa qarsy shyǵady.
QR ulttyq quramasynyń kapıtany, álem chempıony Danııar Eleýsinov (69 kg) ózbek Israıl Madrımovty jeńse, Saǵadat Rahmanqulov 3:0 nátıjesimen Arısnodıýs Dıspeınnen basym tústi (Kýba).
Jánibek Álimhanýly (75 kg) kýbalyq Lopez Kardondy jeńdi (3:0), endi ol fınalda altyn úshin ýkraındyq Dmıtrıı Mıtrofanovpen judyryqtasady.
Ádilbek Nııazymbetov (81 kg) te kýbalyq Emmanýel Reıes Platadan basymdylyǵyn baıqatty, esep - 3:0. Aqtyq synda ol Dáýren Eleýsinovpen syna túsedi (2:1). Asa aýyr salmaq dárejesi boıynsha alǵashqy fınalıst Ivan Dychko boldy, ol Nurjan Bekzatovty jeńip shyqty - 3:0. Endi ol kýbalyq Iorandı Toırak Ortegamen kezdesedi.
