«Boko Haram» urlanǵan qyzdardy sottalǵan «jaýyngerlerge» almastyrýǵa daıyn
ASTANA. QazAqparat - «Boko Haram» tobynyń radıkaldy ıslamısteri túrmedegi uıym músheleri bostandyqqa jiberilgennen keıin urlanǵan nıgerııalyq qyzdar bosatylýy múmkin ekenin málimdedi.
Agence France-Presse habarlaǵandaı, «Boko Haram» vıdeo taratqan. Onda musylman kıimin kıgen 130-ǵa jýyq oqýshy qyzdar belgisiz bir eldi mekende qulshylyq etip jatqany beınelengen.
Top jetekshisi muny qyzdardyń barlyǵy ıslam dinin qabyldaǵanyn aıtyp túsindirdi.
Osyǵan deıin Nıgerııanyń soltústik-shyǵysynda 300-ge jýyq qyzdyń urlanýyn «Boko Haram» óz moınyna alǵany habarlanǵan. Islamıster qyzdardy kúńdikke satamyz dep qorqytqan.
AQSh bıligi oqýshylardy izdestirý úshin Nıgerııaǵa bir top sarapshyny jiberdi.
