«Boko Haram» tutqyndaǵy 219 oqýshy qyzdy eriksiz kúıeýge berdi
ASTANA. QazAqparat - «Boko Haram» ıslamdyq toptyń basshysy Abýbakar Shekaý óz vıdeomálimdemesinde bıyl sáýir aıynda urlanǵan 219 oqýshy ıslam dinin qabyldap, turmys qurǵanyn aıtty. Bul týraly Al Jazeera habarlady.
«Shıbokada urlanǵan 200-den astam oqýshy ıslam dinin qabyldaǵanyn bilmeısizder me? Biz olardy kúıeýge berdik. Endi olar óz kúıeýleriniń úıinde turyp jatyr», - dedi radıkaldardyń lıderi Abýbakar Shekaý.
Sondaı-aq ol 17 qazanda Nıgerııa bıligimen qol jetkizilgen tatýlasý jónindegi aqparatty joqqa shyǵardy. Onyń sózine qaraǵanda, top bitimgershilik týraly kelissózder júrgizýden bas tartty, dep jazdy BBC News.
Aıta keteıik, 2014 jyly sáýirdiń basynda Nıgerııa bıligi «Boko Haram» tobyna qarsy aýqymdy kontrlańkestik operatsııany bastaǵan. Bul shara Shıbokadan 276 oqýshy urlanǵan soń qabyldandy. Ol kezde ıslamıster qyzdardy quldyqqa satýǵa nemese eriksiz turmys qurǵyzatynyn aıtqan. RIA Novostı aqparatyna súıensek, búginde 57 oqýshy óz januıalaryna oralǵan.
