«Boko haram» sodyrlarynyń shabýylynan 20 adam mert boldy
ASTANA. QazAqparat - Nıgerııanyń soltústik-shyǵysynda «Boko haram» lańkestik uıymynyń shabýylynan kem degende 20 adam kóz jumǵan. Ekstremıster Djıngalta eldi mekeniniń qasyndaǵy kólikterge shabýyl jasaǵan.
Qaza tapqandardyń deni - Nıgerııanyń áskerı qyzmetkerleri, dep habarlaıdy RIA Novostı .
Osyǵan deıin Nıgerııa áskeri «Boko haram» uıymynyń 150-ge jýyq múshesiniń kózin joıǵan bolatyn, sondaı-aq 36 áıelder men balalardy sodyrlardyń qolynan qutqarǵan.
