«Bókeıorda» memlekettik tabıǵı rezervatynyń bas dırektory jemqorlyq boıynsha kúdikke ilindi
ASTANA. KAZINFORM — Ekologııa jáne tabıǵı resýrstar mınıstrliginiń «Bókeıorda» memlekettik tabıǵı rezervaty RMM bas dırektory jemqorlyqpen kúdikke ilindi. Bul týraly Antıkor habarlady.
Batys Qazaqstan oblysy boıynsha Sybaılas jemqorlyqqa qarsy qyzmetimen «Ekologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıtetiniń «Bókeıorda» memlekettik tabıǵı rezervaty» RMM-niń bas dırektoryna qatysty qylmystyq is tergelip jatyr.
— Ol rezervatta shyn máninde eńbek qyzmetin atqarmaǵan tulǵaǵa jalaqyny zańsyz esepteý arqyly iri mólsherde bıýdjet qarajatyn jymqyrdy degen kúdikke ilindi. Kúdikti sottyń sanktsııasymen qamaýǵa alyndy. Qazirgi ýaqytta onyń basqa qylmystarǵa qatysy tekserilip jatyr, — delingen habarlamada.
Tergeý jalǵasyp jatyr.
Qylmystyq-protsestik kodekstiń 201-babyna sáıkes ózge aqparat jarııa etýge jatpaıdy.
Aıta ketelik Antıkor Ermek Tursynovtyń elden ketýine baılanysty pikir bildirgen edi.