«Boıng» jolaýshylarynyń múrdeleri apat ornynda áli shashylyp jatyr
ASTANA. QazAqparat - Apatqa ushyraǵan «Boıng-777» ushaǵynyń qaza tapqan jolaýshylarynyń múrdeleri úshinshi táýlik boıy oqıǵa ornynda shashylyp jatyr. Bul jaıynda apat oryn alǵan jerden VVS-diń tilshisi Vıktor Nehezın habarlady.
«Adamdardyń múrdeleri dalada shashylyp jatyr ári ústileri jabylmaǵan. Adamnyń dene músheleri Grabovodan 8 shaqyrym jerdegi kórshiles Rassypnaıa eldi mekenine de qulaǵan. Rassypnaıa aýyly turǵyndarynyń aıtýynsha, múrdeler baqshalaryna, úıleriniń ústine túsken», - delingen aqparatta.
Aıta keterligi, tótenshe jaǵdaılar qyzmeti taratqan sońǵy aqparatqa qaraǵanda, ushaq apatqa ushyraǵan jerden 190-nan astam jolaýshynyń múrdesi tabyldy. Al ushaq bortynda 298 jolaýshy bolǵan edi.
