«Boıng» kompanııasynyń burynǵy ınjeneri Qytaıdyń múddesi úshin tyńshylyq jasady degen aıyppen tutqyndaldy
ASTANA. Aqpannyń 9-y. QazAqparat - AQSh-ta «Boıng» kompanııasynyń burynǵy ınjeneri Qytaıdyń paıdasy úshin tyńshylyq jasady degen aıyppen 15 jylǵa kesildi. Tergeý málimetteri boıynsha, 74 jastaǵy Donfan Chýn qytaılyq arnaıy qyzmetterge 30 jyldan astam ýaqyt qyzmet etip kelgen,
dep habarlaıdy «Maıak» radıosy.
Osy aralyqta ol shattldar, áskerı-tasymaldaýshy ushaqtar jáne «Delta» zymyrandar týraly málimetteri bar 300 bet qupııa qujattar urlaǵan. Injenerdiń advokaty bolsa, qaǵazdardyń oǵan qytaılyq ókimetke berý úshin emes, óz qoldanysy úshin kerek bolǵanyn dáleldeýge tyrysyp baqqan.
Biraq sýdıalar bul málimdemeni negizsiz dep tanyp, «Boıng» kompanııasynyń burynǵy ınjenerin 15 jylǵa sottap otyr. Osylaısha, Donfan Chýn AQSh-ta osydan 14 jyl buryn qabyldanǵan kommertsııalyq tyńshylyq týraly zań boıynsha sottalyp otyrǵan alǵashqy adam.
