Bóget buzyldy: Astana-Qorǵaljyn tas jolynda ne bolyp jatyr
ASTANA. KAZINFORM — Aqmola oblysynyń Qorǵaljyn aýdanynda bóget buzylyp, qazir jol jaǵdaıy baqylaýǵa alyndy, dep habarlaıdy «QazAvtoJol».
Aqmola oblysynyń Qorǵaljyn aýdanynda, Sabyndy aýyly mańynda ornalasqan Shoptykól bógetiniń buzylý faktisi tirkeldi. Sonyń saldarynan sý alqaptar arqyly eldi mekenge jaıylyp, «Astana — Qorǵaljyn» respýblıkalyq mańyzy bar avtomobıl jolynyń 75-shaqyrym tusyn kesip ótti. Degenmen, sý joldyń júrý bóligine ótken joq.
Qazirgi ýaqytta Aqmola oblystyq fılıalynyń jol qyzmetteri ahýaldy turaqtandyrý baǵytynda jedel sharalar qabyldady. Onda 14 birlik arnaıy tehnıka men 30-dan astam jol mamany tartylǵan. Inertti materıaldardy daıyndaý jáne olardy jetkizý jumystary júıeli túrde júrgizilip jatyr.
Atalǵan ýchaskede úsh kózdi sý ótkizý qubyry qalypty rejımde jumys istep, sýdyń tolyq kólemde kedergisiz ótýi qamtamasyz etildi.
Jol jamylǵysy búlinbegen, kólik qozǵalysy shtattyq rejımde júrgizilip jatyr.
Aıta keteıik, buǵan deıin oblystaǵy apattyń saldaryn joıýǵa TJM, jergilikti atqarýshy organdar, aýdandyq polıtsııa bólimi jáne jol qyzmetteriniń kúshteri men quraldary jumyldyrylǵanyn jazdyq.
