Bóget buzyldy: Astana–Qorǵaljyń jolynda tasqyn sýǵa qarsy qorǵanys kúsheıtildi
ASTANA. KAZINFORM — Bul shara erigen qar sýyn dala aımaǵyna baǵyttaý maqsatynda qolǵa alyndy.
TJM, jergilikti atqarýshy organdardyń jáne turǵyndardyń kúshterimen sýdy dala aımaǵyna qaıta baǵyttaý maqsatynda Astana–Qorǵaljyń respýblıkalyq trassasynyń jol tóseminiń deńgeıin kóterý boıynsha jumystar júrgizilip jatyr.
Bul shara erigen qar sýyn dala aımaǵyna baǵyttaý maqsatynda qolǵa alyndy.
— Halyq úshin qaýip joq. Jumystar táýlik boıy jalǵasyp jatyr. Qazirgi ýaqytta shamamen 5 myń qap jáne 50 myń tonna ınertti materıal daıyndaldy, uzyndyǵy 800 metrge jýyq topyraq úıindisi tóseldi, — delingen TJM habarlamasynda.
Arnaıy tehnıka men TJM jáne jergilikti atqarýshy organdardyń jeke quramy kezekshilik atqaryp jatyr. Sý basýdyń aldyn alý jáne avtokólikterdiń qaýipsiz qozǵalysyn qamtamasyz etý úshin barlyq qajetti sharalar qabyldanyp jatyr. Oqıǵa ornynda TJM Tótenshe jaǵdaılardyń aldyn alý komıtetiniń tóraǵasy men TJ departamentiniń basshylyǵy jumystardy úılestirip jatyr.
Jaǵdaı TJM baqylaýynda.
Aıta ketelik Aqmola oblysynda «Shoptykól» bógeti buzylǵan edi.
