Bógenbaı batyrdyń dýlyǵasy Áskerı-tarıhı mýzeıge tartý etildi

NUR-SULTAN. QazAqparat - Nur-Sultan qalasyndaǵy Qarýly Kúshterdiń Áskerı-tarıhı mýzeıinde Bógenbaı batyrdyń dýlyǵasyn saltanatty túrde murajaı qoryna tapsyrý rásimi ótti, dep habarlaıdy QR QM baspasóz qyzmeti.

Dýylǵany Aqmola oblysy, Ereımentaý aýdany Maltabar aýylynyń turǵyny, aty ańyzǵa aınalǵan batyrdyń jetinshi urpaǵy Jabaı Kenjalın saqtaǵan.

Áskerı-tarıhı mýzeı qyzmetkerleri jańa eksponatty erekshe tarıhı qundy jádiger ekenin tilge tıek etti.

Qanjyǵaly Bógenbaı batyr (1680-1778) – úsh júzdiń áskerin basqarǵan qazaqtyń uly qolbasshysy. Aqtyq demi qalǵansha qazaq eliniń táýelsizdigi jolynda kúresip, jońǵar shapqynshylyǵy kezinde erlik kórsetken.

Úsh ǵasyr ótse de batyrdyń jeke qarýynyń keıbirin balalary kózdiń qarashyǵyndaı saqtap, urpaqtan-urpaqqa jetkizdi.

Shara Qazaqstan Táýelsizdiginiń 30 jyldyǵyna oraılastyrylyp, qazaq halqynyń ásker tarıhyna qyzyǵýshylyqty arttyrýǵa, murajaı isin dáripteýge baǵyttaldy.

Saltanatty rásimge «Qarýly Kúshterdiń ardagerleri» respýblıkalyq qoǵamdyq birlestigi tóraǵasynyń orynbasary otstavkadaǵy general-maıor Marat Naǵumanov qatysty.