Bógelgen poıyzdardyń barlyq jolaýshylaryna ótemaqy tólenedi - QTJ

ASTANA. QazAqparat - Júk tıelgen vagondardyń shyǵyp ketýi saldarynan 16 jolaýshylar poıyzy bógeldi, dep málimdedi «Qazaqstan temir joly» UK» AQ baspasóz qyzmetinen.

2015 jyldyń 7 qańtarynda bir táýlik ishinde bógelip jatqan barlyq jolaýshylar poıyzy kestege engiziledi.

2015 jyldyń 06 qańtarynda saǵat 23:45 Jambyl jol bóliminiń Jambyl-Túlkibas ýchaskesindegi Maımaq - Kúrkireýsý aralyǵynda №2007 júk poıyzy júrgen 3469 kılometrinde 12 júk tıelgen vagon shyǵyp ketti.

Oqıǵanyń mán-jaıyn anyqtaý úshin «Qazaqstan temir joly» UK» AQ arnaıy komıssııa qurdy. Komıssııa jumysynyń aldyn-ala málimetine saı joldyń ımek bóliginde júk vagonynyń arbasynyń buryla almaýy saldarynan bolǵan. Vagon nomeri 44676914.

Vagon ıesi «Federaldy júk kompanııasy» AQ (Reseı Federatsııasy). Barlyq shyǵyndy júk vagonynyń ıesi ótemek.

Vagondardyń shyǵyp ketýiniń saldaryn joıý boıynsha jumystar Jambyl jáne Shymkent jol bólimshelerin qalpyna keltirý arqyly júrgizilýde. Poıyzdardyń qatynaýy saǵat 09:05-te qalypqa keltirildi.

QR Temir jol kóligi týraly Zańyna sáıkes barlyq jolaýshylarǵa tıisti ótemaqy tólenedi.

Osyǵan deıin habarlanǵandaı, «Qyzylorda - Almaty» baǵytymen júrgen №34 jolaýshylar poıyzy 4 saǵatqa keshigýde. Oǵan Taraz mańyndaǵy stansada birneshe saǵat turyp qalýy sebep bolǵan.

Bul týraly «QazAqparat» HAA-ǵa telefon arqyly atalǵan poıyzdaǵy jolaýshylardyń biri - Raýshan Shakeeva habarlaǵan.