Bogdan Vehov short-trekten jasóspirimder arasyndaǵy álem chempıonatynda qola aldy

ASTANA. KAZINFORM – Qazaqstan short-trekten Solt-Leık-Sıtı qalasynda (AQSh) ótip jatqan jasóspirimder arasyndaǵy álem chempıonatynda ekinshi medalǵa qol jetkizdi.

Ulttyq olımpıadalyq komıtettiń málimetinshe, bul joly ulttyq qurama qorjynyna júldeni Bogdan Vehov saldy.

Otandasymyz 1000 metr qashyqtyqta sátti óner kórsetti. Vehov 1:24.177 ýaqyt kórsetkishimen máre syzyǵyn kesip, qola júldeger atandy.

Altyn medaldi Ońtústik Koreıa ókili Pak Sodjýn (1:23.802) jeńip alsa, kúmis júlde Qytaı sportshysy ıÝıhen Lıge (1:23.903) buıyrdy.

Aıta keteıik, buǵan deıin Qazaqstan áıelder quramasy estafetalyq jarysta úshinshi orynǵa ıe bolǵan edi.

Budan buryn Ulttyq qurama áıelder arasyndaǵy 3 000 metrlik estafetada qola júldege qol jetkizgenin jazǵanbyz.