Bogdan Ýnra oqıǵasy: Koreıalyq klınıka aldyndaǵy qaryz óteldi
ASTANA. QazAqparat - Koreıa klınıkasynda em-dom alyp jatqan jerinen kóz jumǵan 6 jastaǵy Bogdan Ýnranyń ata-anasy medıtsınalyq mekeme aldyndaǵy qaryzyn tolyqtaı ótedi. Bul jaıynda QR SІM baspasóz qyzmetiniń jetekshisi Aıbek Smadııarov aıtty, dep habarlaıdy QazAqparat tilshisi.
«Aǵymdaǵy jyldyń 5 qazanynda koreıalyq aýrýhana aldyndaǵy 90 myń dollar kólemindegi qaryzdy balanyń ata-anasy tolyqtaı ótedi. Qazirgi ýaqytta Elshilik balanyń múrdesin Qazaqstan aýmaǵyna jetkizý úshin onyń ata-anasyna kómek kórsetip, qajetti barlyq qujattaryn rásimdep jatyr», - dedi Aıbek Smadııarov.
Onyń aıtýynsha, balanyń múrdesi 7 qazan kúni Óskemenge jiberiledi.
«Aıta keterligi, arnaıy baǵdarlamaǵa sáıkes balanyń múrdesin Otanyna jetkizýge ketetin shyǵyndar memlekettik qarajat esebinen óteletin bolady», - dedi ol.
Esterińizge sala ketsek, Shyǵys Qazaqstan oblysy Belaǵash aýylynan alty jasar Bogdan Ýnra bir jyl boıy onkologııalyq aýrýdan emdelip, 23 qyrkúıekte kóz jumǵan bolatyn. Qaryz bolǵandyqtan Seýl klınıkasy ata-anasyna balanyń múrdesin bermeı otyrǵan edi.
https://kaz.inform.kz/news/koreya-klinikasy-koz-zhumgan-kazakstandyk-balanyn-denesin-bermey-otyr_a3406784
25 qyrkúıekte balanyń ákesi Seýldegi Qazaqstan elshiligine júginip, zańgerlik keńes alǵan jáne balasynyń syrqatyna jumsalǵan aýqymdy qaryzdy óteýge kómek suraǵan.
