«Bogatyr Kómir» JShS qorshaǵan ortany qorǵaýǵa 2 mlrd teńgege jýyq qarajat jumsady
EKІBASTUZ. QazAqparat - «Bogatyr Kómir» JShS qorshaǵan ortany qorǵaý boıynsha sharalardy oryndaýǵa 2019 jyldyń 9 aıynda 1 956 562,8 myń teńge jumsady, dep habarlaıdy pavlodarnews.kz.
Bul týraly óńirlik kommýnıkatsııalar qyzmetinde ótken baspasóz máslıhatynda «Bogatyr Kómir» JShS tehnıkalyq dırektordyń orynbasary Natalıa Shýlaeva málim etti. - Tabıǵatty qorǵaý is-sharalaryn iske asyrý barysynda jyldyq jospar boıynsha 983 655 teńge bolýy tıis edi, - deıdi Natalıa Shýlaeva. - Biraq bizdiń kásiporyn qorshaǵan ortany qorǵaýǵa 9 aı ishinde 2 mlrd teńgege jýyq qarajat jumsady. Ekologııalyq tıimdilik, ıaǵnı qorshaǵan ortaǵa emıssııalardyń azaıý kórsetkishi 27 486 695,1 myń tonnany quraıdy. Sondaı-aq, ken óndiretin oryndarda kómirdi ekskavatsııalaý, rotorly ekskavatorlardyń qazba jumystardy júrgizý barysynda shańdy basýǵa 73 334,6 myń teńge jumsaldy.
Spıkerdiń aıtýynsha, atalmysh kásiporyn kenishterdiń avtojoldarynda shańdy basýǵa shahtaly sýlardy paıdalanady. Sol sebepti, lastaýshy zattardyń shyǵyny 2,84 tonnaǵa azaıdy. Sonymen qatar, ekskavatorlyq tógýlerdi oqshaýlaý jáne úıindilerdiń jabyndysyn ınertti jynystarmen tyǵyzdaý jumystary júrgiziledi. Sharany oryndaý barysynda 55 258,1 myń teńge jumsaldy. - Sýlandyrylǵan uńǵymalarda jumysty júzege asyrý aýaǵa taralatyn lastaýysh zattar kólemin azaıtýǵa múmkindik beredi, - dedi Natalıa Shýlaeva. – Bul 120,4 tonnany quraıdy. Oǵan qosa, burǵylaý bildekteriniń shantutýshy júıelerin jóndeý qarastyryldy. Oǵan ketetin shyǵyn 8 222,9 myń teńgeni quraıdy. Sondaı-aq, 3 jáne 5 ýchaskeleriniń shekaralarynda ýaqytsha ishki úıindilerde arshý jumystaryn júrgizý qamtamasyz etildi. Qazylǵan keńistikti qalaý boıynsha «Severnyı» jáne «Bogatyr» kenishteriniń ishki úıindilerine arshyma taý jynystaryn ornalastyrý kólemin 27 486 543,72 tonnaǵa azaıtýǵa múmkindik beredi. Bul sharaǵa 1 806 892,8 myń teńge jumsaldy.
Natalıa Shýlaevanyń sózine qaraǵanda, óndiris pen tutynýdan keletin qaldyqtarmen lastanýdy aldyn alý sharasyna 8 132, 86 myń teńge jumsaldy. Landshafttyq sanalýandylyqty qoldaý, óndiristik alańdardy kógaldandyrý, aǵash qoryn kútýge jumsalǵan qarajat 3 631,6 myń teńgeni quraıdy.
