«Bogatyr Kómir» jumysshysy óndiristegi jazataıym oqıǵa saldarynan kóz jumdy
PAVLODAR. KAZINFORM - Ekibastuzdaǵy «Bogatyr Kómir» JShS-niń slesari sýarý qondyrǵysyna dızel otynyn quıý barysynda aýyr jaraqat alǵan. 1982 jylǵy azamat aýrýhanada kóz jumǵany anyqtaldy.
Kásiporynda bolǵan qaıǵyly oqıǵa týraly Eńbek ınspektsııasy komıtetiniń Pavlodar oblysy boıynsha departamentiniń ókilderi habarlady.
- Qaıǵyly jaǵdaı 28 qańtar kúni «Molodejnaıa» stansasynda bolǵan. Aldyn ala málimet boıynsha, sýarý qondyrǵysyna dızel otynyn quıý jumystaryn oryndaý kezinde jazataıym oqıǵa bolyp, «Bogatyr Kómir» JShS-nyń jumysshysy jaraqat alǵan. Zardap shekken azamat Ekibastuz qalalyq aýrýhanasyna jetkizilip, keıin qaıtys bolǵan, - dep habarlady Memlekettik eńbek ınspektsııasy komıtetiniń Pavlodar oblysy boıynsha departamenti basshysynyń orynbasary Abylaı Sabyrov.
1982 jyly týǵan azamat kásiporynda slesar bolyp jumys istegen. Qazirgi ýaqytta departament qyzmetkerleri oqıǵanyń mán-jaıyn anyqtaý boıynsha tergeý is-sharalaryn júrgizip jatyr.
Eske sala keteıik, 2025 jyldyń qarasha aıynda Bogatyr Kómir» kenishinde jumysshy toqqa túsip kóz jumǵan bolatyn.