«Bogatyr kómir» JShS-nen 123 mln teńge jymqyrǵandar ustaldy
ASTANA. KAZINFORM – Qarjylyq monıtorıng agenttiginiń Pavlodar oblysy boıynsha departamenti «Bogatyr kómir» JShS-niń (jarǵylyq kapıtalyndaǵy 50% úlesi «Samuryq-Qazyna» AQ-ǵa tıesili) qarjysyn jymqyrý faktisi boıynsha sotqa deıingi tergep-tekserý júrgizip jatyr.
Tekserý barysynda birqatar kommertsııalyq kompanııa basshylary buryn paıdalanylǵan qosalqy bólshekterdi jańa zaýyttyq ónim retinde kásiporynǵa jetkizý shemasyn uıymdastyrǵany anyqtaldy.
Shemany iske asyrý úshin taýar men materıaldardy qabyldaýǵa jaýapty «Bogatyr kómir» JShS-niń qyzmetkeri tartylǵan. Ol talaptarǵa sáıkes kelmeıtin bólshekterdiń esh kedergisiz qabyldanýyn qamtamasyz etip, olardyń sapasyn negizsiz rastaǵan. Eki jyl boıy jalǵan sáıkestik sertıfıkattary boıynsha reaktorlar, tsılındr bloktary, avtotirkemeler jáne tejegish júıeleriniń bólshekteri jańa ónim retinde jetkizilip otyrǵan.
Nátıjesinde «Bogatyr kómir» JShS-ne 123 mln teńge kóleminde zalal keltirilgen. Qylmystyq jolmen alynǵan qarajat baılanysy bar JShS men jeke kásipkerler arqyly jalǵan sharttar boıynsha shyǵarylyp, qolma-qol aqshaǵa aınaldyrylǵan.
Tintý barysynda kúdiktilerden 27 mln teńge qolma-qol aqsha tárkilendi. Sot sanktsııasymen kúdiktilerdiń 6 avtokóligine, sonyń ishinde «Cadillac Escalade», «Range Rover», «Toyota Land Cruiser 250» avtokólikterine tyıym salyndy. Úsh kúdikti qamaýǵa alyndy. Tergeý jalǵasyp jatyr. Qazaqstan Respýblıkasynyń Qylmystyq-protsestik kodeksiniń 201-babyna sáıkes ózge aqparat jarııa etilmeıdi.
Osyǵan deıin «Qazsýshar» RMK-nyń Qyzylorda fılıalynan 188 mln teńgeni jymqyrǵandar ustalǵany týraly jazdyq.