«Bogatyr Kómir» kompanııasy bıýdjetke 777 mln teńge salyq tólemegen

PAVLODAR. KAZINFORM – Pavlodar oblysynyń memlekettik kirister departamenti júrgizgen tekseris nátıjesinde «Bogatyr Kómir» JShS kompanııasy korporatıvtik tabys salyǵyn zańsyz túrde 15% ornyna 5% mólsherinde qoldanǵany anyqtaldy. Bul týraly óńirlik prokýratýradan habarlady.

– Tekserý nátıjesinde kásiporynǵa 777 mln teńge qosymsha salyq tóleý týraly habarlama berildi. Departamenttiń sheshimimen kelispegen seriktestik salyq organynyń sheshimine qatysty ákimshilik sotqa shaǵymdandy. Nátıjesinde ol habarlamanyń kúshin joıdy. Biraq prokýratýranyń apellıatsııalyq ótinishi boıynsha Pavlodar oblystyq soty salyq esepteý týraly habarlamany zańdy dep tanydy, - dep málimdedi prokýratýradan.

Sottyń sheshimi ázirshe zańdy kúshine engen joq. 

Eske sala keteıik, buǵan deıin Qazaqstanda «jasyl» salyq engizý usynylǵanyn habarlaǵan edik.