Boeing jolaýshylar ushaǵy Tel-Avıv áýejaıyna apatty jaǵdaıda qondy
ASTANA. QazAqparat - El Al avıakompanııasy bıýdjettik Up bólimshesiniń Boeing 737-800 jolaýshylar ushaǵy seısenbide Tel-Avıvtegi Ben-Gýrıon áýejaıyna apatty jaǵdaıda qondy. Zardap shekkender joq. Naqtylanǵan derekterge súıensek, laıner bortynda 176 adam bolǵan.
2521 reısin oryndaǵan Boeing 737-800 Davıd Ben-Gırıon atyndaǵy áýejaıdan jergilikti ýaqyt boıynsha saǵat 07:20-de (máskeý ýaqyty boıynsha) Praga baǵytyna ushqan. Artynsha ushý-qoný jolaǵynan laınerdiń oń shassıi qaqpaǵynyń synyqtary tabylǵan. Jerdegi qyzmetter men ekıpaj ushaqty áýejaıǵa qaıta qonýy qajet dep sheshti. Boeing Lod qalasynyń shetine Ben-Gýrıon áýejaıy ornalasqan jerge jetkende, ol jerdegi qyzmet ınjenerleri shassıdi qarap shyǵý úshin ushý-qoný jolaǵynan sál bıiktikte birneshe ret aınalym jasady. Áýejaıda laınerdiń apatty qonýynyń aldynda tótenshe jaǵdaı rejimi engizildi. Áýe aılaǵyna ondaǵan jedel járdem men qutqarý qyzmetteri shaqyrtyldy, dep habarlady TASS.
