Boeing úshinshi toqsanda túzetilgen shyǵynyn jarııalady
ASTANA. KAZINFORM – Amerıkalyq Boeing Co kontserniniń 2024 jyldyń úshinshi toqsanynda túzetilgen shyǵyny carapshylar boljamynan da nashar boldy, biraq kompanııanyń kirisi kútkennen asyp tústi, dep habarlaıdy Interfaks.
Shilde-qyrkúıek aılarynda kompanııanyń taza shyǵyny 6,174 mlrd dollardy, nemese bir aktsııaǵa 9,97 dollardy qurady (bir jyl burynǵy kórsetkish – 1,638 mlrd dollar, nemese bir aktsııaǵa 2,7 dollar). Bir rettik faktorlardy eseptemegende shyǵyn bir aktsııa úshin 3,26 dollardan 10,44 dollarǵa deıin ósti.
Kiris 1%-ǵa – 18,104 mlrd dollarǵa qarsy 17,84 mlrd dollarǵa deıin qysqardy.
FactSet saýalnamasyna qatysqan sarapshylar kompanııa ortasha eseppen 17,815 mlrd dollar kiristen bir aktsııaǵa 10,4 dollar shyǵyn keltiredi dep shamalaǵan.
Boeing basshylyǵy 14 qazanda úshinshi toqsandaǵy kiris shamamen 17,8 mlrd dollardy jáne taza shyǵyn – bir aktsııa úshin 97 dollardy quraıdy degen boljam jasaǵan.
Boeing-tiń aqshanyń erkin aǵyny ótken toqsanda 2 mlrd dollardy qurady.
Qyrkúıek aıynyń sońynda kompanııanyń tapsyrystar kitaby 511 mlrd dollarǵa baǵalanǵan (bir jyl burynǵy kórsetkish – 496 mlrd dollar).
2024 jyldyń basynan beri Boeing kapıtaldandyrýy 39%-ǵa (98,5 mlrd dollarǵa deıin) tómendedi, bul rette Dow Jones Industrial Average ındeksi shamamen 14%-ǵa ósti.
Buryn habarlanǵandaı, 23 qazan amerıkandyq alpaýyt Boeing úshin mańyzdy kúnderdiń biri bolady dep ýáde beredi. Kásiporyn óndirisin bir aıdan beri tyǵyryqqa tiregen mehanızatorlardyń ereýiliniń aıaqtala ma, joq pa, sony anyqtaýy kerek.
Buǵan deıin jazǵanymyzdaı, sársenbi amerıkalyq alpaýyt Boeing úshin mańyzdy kúnderdiń biri bolmaq. Shamalanyp otyrǵandaı, kompanııa úshinshi toqsandaǵy iri shyǵyn týraly jarııalap, bir aıdan beri kásiporyn óndirisin tyǵyryqqa tiregen mehanıkter ereýili toqtaı ma belgili bolmaq.
