Boeing ushaǵy Úndistan astanasynyń áýejaıyna qoný kezinde órtendi
ASTANA. QazAqparat - IndiGo avıakompanııasynyń jolaýshylar ushaǵy bortynda 147 jolaýshysymen jáne alty ekıpaj múshesimen Delı áýejaıyna qonǵan kezde órtendi, dep habarlady Rosbalt.
NDTV telearnasynyń aqparatyna qaraǵanda, Mýmbaı - Delı reısin oryndaǵan áýe kemesiniń kapıtany ushaqtyń órtenýi týraly aqparatty dıspetcherden alǵan. Budan keıin ol ekıpaj múshelerine ushaq qonǵan boıda apattyq baspaldaqtar arqyly barlyq jolaýshyny kóshirýge shuǵyl ókim berdi.
Avıakompanııanyń basshylyǵy birneshe jolaýshy ártúrli dárejede jaraqat alǵanyn atap ótti. Áýejaı qyzmetkerleri zardap shekkenderge kómek kórsetti.
Órttiń shyǵý sebebi anyqtalýda.
