Boeing kompanııasy 737 Max ushaǵyn shyǵarýdy ýaqytsha toqtatty

NUR-SULTAN. QazAqparat –Boeing kompanııasy 737 Max ushaq markasyn qurastyrý jumystary ýaqytsha toqtatylǵanyn málimdedi, dep habarlaıdy QazAqparat CNN-ge silteme jasap.

Kompanııa jeltoqsan aıynda ushaq shyǵarý jumystaryn ýaqytsha toqtatý jospary týraly habarlaǵan edi, biraq naqty kúni aıtylmaǵan bolatyn.

«Boıng jumys toqtatylsa da, qyzmetkerlerdi qysqartý bolmaıdy. Olar basqa jobalarǵa aýystyrylady. Azamattyq avıatsııanyń federaldy basqarmasynyń habarlamasynda ushaqtardyń qaýipsizdigi basty nazarda ekeni, basqarma Boeing 737 MAX modıfıkatsııasynyń joǵary standarttarǵa saı bolýyn tekserý protsesi muqııat júrgiziletini aıtylǵan», - dep jazady agenttik.

Ázirge tekserý jumystary qashan aıaqtalatyny belgisiz. Byltyr naýryz aıynan bastap 737 Max ushaǵynyń apatynan jalpy 346 adam qaza tapqan. Al Boeing ushaqty klıentterge jktýize almasa da, Max ushaqtaryn shyǵarýdy toqtatpaǵan. Kompanııa atalǵan markadan aıyna 42 ushaq shyǵarǵan. Qazirgi tańda Vashıngton men Tehasta 400 ushaq álemniń túkpir túkpirindegi áýe kompanııalaryna jiberilýge daıyn tur.