Boeing kompanııasy ózine alaıaqtyq boıynsha taǵylǵan aıypty moıyndady

ASTANA. KAZINFORM – Boeing kompanııasy ózderi shyǵarǵan jáne 2018-2020 jyldary qulaǵan eki ushaq isi boıynsha ózine taǵylǵan qylmystyq alaıaqtyq áreketti moıyndady, dep habarlaıdy VVS.

Eldiń ádilet mınıstrliginiń málimdeýinshe, áýe kompanııasy 243,6 mln dollar (190 mln fýnt) kólemindegi qylmystyq aıyppuldy tóleýge kelisti.

Alaıda osy reısterde 5 jyl buryn qaza bolǵan azamattardyń týystary Boeing-ke adamdardyń ólimi úshin jaýapkershilikten jaltarýyna jol bergen bul isti qatty synady.

Endi bul isti retteý úshin ony AQSh sýdıasy maquldaýy kerek.

Boeing kompanııasy kinásin moıyndaı otyryp, qylmystyq protsesten, basqasha aıtqanda ushaqta mert bolǵandardyń týystarynyń talabynan jaltarmaq.

Kompanııa ózderiniń ushaqtar ushyraǵan bir-birine uqsas eki apattan soń daǵdarysqa tap boldy. Birinshi Boeing 737 Max Indonezııada apatqa ushyrady, ekinshisi Efıopııada qulady. Eki apat kezinde 1 myńnan astam adam mert boldy.

Budan keıin kompanııa ushaqtaryna bir jyldan astam ýaqyt ushýyna tyıym salynǵan.

2021 jyly prokýratýra Boeing kompanııasyna retteýshi organdardy aldaý úshin sóz baılasty degen aıyp taqty. ıAǵnı kompanııa Azamattyq avıatsııa federaldyq basqarmasyn (FAA) eki ushaq apatyna da qatysy bar ushaqtardy basqarý júıesine qatysty aldap soqqan.

Boeing-tiń kinásin moıyndaý kompanııa atyna kir keltiretin másele bolyp qalyp otyr. Óıtkeni AQSh-tyń áskerı merdigeri bolyp tabylatyn kompanııa isti bolyp otyr degen atqa qaldy. Sonymen qatar bul kompanııa álemdegi kommertsııalyq ushaqtar shyǵaratyn eń iri eki kompanııanyń biri.