Boeing basshysy Trampqa $4 mlrd arzan ushaq jasaýǵa ýáde berdi
ASTANA. QazAqparat -Boeing korporatsııasynyń basshysy Dennıs Mıýlenbýrg AQSh-tyń jańa saılanǵan prezıdenti Donald Tramppen kezdesti jáne arnaıy jasaq úshin 4 mıllıard dollardan tómen baǵaǵa «nómiri birinshi» bort jasap berýge ýáde etti, dep habarlaıdy Reıter.
«Biz 4 mıllıardtan da tómen baǵaǵa ázirleýge daıynbyz», - degen Boeing basshysynyń sózin keltirdi agenttik. Jýrnalıster oǵan Tramptyń kóńili tolmaǵan ushaq jobasynyń somasy talqylandy ma degen saýal qoıǵan bolatyn.
Buǵan deıin Tramp jańa ushaqtar jónindegi kelisimsharttyń quny 4 mıllıard dollar ekenin málimdep, kelisimshartty buzamyn dep qorqytqan edi. Qazir AQSh prezıdenti 30 jyl buryn alynǵan eki Boeing 747-200B ushaǵyn paıdalanady. Al jańa ushaqtar 2023-2024 jyldarǵa josparlanǵan.
