Boeing: Álemde azamattyq ushaqtardyń satylymy artady
ASTANA. QazAqparat - 2033 jylǵa qaraı avıaqurylysshylar azamattyq ushaqtardyń saýdasyn álemde 5,2 trln. dollarǵa deıin arttyrady. Bul týraly amerıkalyq Boeing Co. korporatsııasynyń boljamdyq málimetterinde aıtylǵan.
Kompanııa sarapshylarynyń esepteýleri boıynsha atalǵan merzimde álemge 36,77 myń jańa ushaq qajet bolady. Sonymen birge osy kólemde ushaqtardyń 70 paıyzy jalpaqfıýzelıajdy bolmaq.
Boeing boljamyna qaraǵanda, Qytaı tarapynan suranys 40 paıyz deńgeıinde qalyptaspaq, ıaǵnı 13,46 myń áýe kemesin qamtymaq. Bul áýe kemeleri álemdik naryqtyń Azııa-Tynyq muhıty segmentine qajet bolady.
Sheteldik BAQ-tyń jazýynsha, osy óńirdiń avıanaryǵy qalǵandaryna qaraǵanda satylymdardyń aýqymdy kórsetkishin baıqatpaq.
Budan keıingi orynda Soltústik Amerıkanyń azamattyq avıatsııasynyń naryǵy jaıǵasady dep josparlanyp otyr. Osy óńirde suranys 7,55 myń jańa ushaqty qamtıdy.
