Boeing 777 jolaýshylar ushaǵy kezinde Qazaqstanda qaıta saqtandyrylǵan eken
ASTANA. QazAqparat - Joǵalyp ketken Malaysia Airlines (MAS) kompanııasynyń Boeing 777 jolaýshylar ushaǵy jáne tasymaldaýshynyń jolaýshylar aldyndaǵy jaýapkershiligi kezinde «Evrazııa» Saqtandyrý kompanııasy» AQ qaıta saqtandyrylǵan eken. Qazir kompanııa oryn alǵan oqıǵanyń sebep-saldaryn anyqtaýǵa jáne jáne bul oqıǵany saqtandyrý jaǵdaıyna jatqyzatyn dáleldi qujattardy kútip otyr, dep habarlaıdy «Evrazııa» Saqtandyrý kompanııasy» AQ baspasóz qyzmeti.
Esterińizge sala keteıik, Malaysia Airlines (MAS) kompanııasynyń Boeing 777 jolaýshylar ushaǵy Kýala-Lýmpýr qalasynan Beıjińge ushý barysynda 2014 jyldyń 8 naýryzyna qaraǵan túni avıadıspetcherlerdiń radarynan joǵalyp ketken bolatyn. Qazirgi tańda birqatar elderdiń ushaqtary men kemeleri Ońtústik Qytaı teńizinde izdeý operatsııalaryn júrgizýde.
Teńizdiń Vetnam eline qarasty aýmaǵynda, Tho-Chý aralynan 250 shaqyrym jerde belgisiz ushaqtyń birneshe synyqtary tabylǵan. Olar joǵalyp ketken ushaqtyń synaqtary da bolýy múmkin. Biraq bul áli rastalǵan joq.
