Boeing 777 apatynda qaza tapqan barlyq 298 adamnyń azamattyǵy anyqtaldy
ASTANA. QazAqparat - Ýkraınanyń shyǵysynda apatqa ushyraǵan Boeing 777 qaza tapqan barlyq 298 jolaýshysynyń azamattyǵy anyqtaldy. Bul týraly ITAR-TASS áýe tasymaldaýshyǵa silteme jasap habarlady.
Jańartylǵan tizimge sáıkes, qaza tapqandardyń 192 Nıderlandynyń azamaty, olardyń biriniń AQSh azamattyǵy da bolǵan. Tizimde Malaızııanyń 44 azamaty (15 ekıpaj múshesin eseptegende), 27 - Avstralııa azamaty, 12 - Indonezııa azamaty bar. Apattan japa shekkenderdiń 10 - Ulybrıtanııa azamaty, olardyń biriniń ekinshi azamattyǵy OAR bolǵan. Kóz jumǵandardyń tórteýi nemis, belgııalyqtardyń da sany osyndaı. Úsh fılıppındik, Kanadanyń bir azamaty jáne Jańa Zelandııanyń bir azamaty osy ushaqta bolǵan.
Malaysia Airlines áýe kompanııasynyń «Amsterdam - Kýala-Lýmpýr» baǵytynda ushqan Boeing 777 ushaǵy beısenbi kúni keshke Donetsk oblysynda qulaǵan. Bortynda bolǵan 298 adamnyń barlyǵy qaza tapty.
