Boeing 737 Max ushaqtary qaıtadan usha bastaıdy
NUR-SULTAN. QazAqparat - Eýroodaq aýmaǵynda Boeing 737 Max modeldi ushaqtardyń ushýyna ruqsat berildi, dep habarlaıdy QazAqparat Euronews agenttigine silteme jasap.
Eýropa avıatsııa qaýipsizdigi agenttigi Boeing 737 Max ushaǵynyń ushýyna endi tyıym salmaıdy.
Bul jolaýshylar ushaǵynyń ushýyna 2019 jyldyń naýryzynda, baǵdarlamalyq qamtamasyz etýdiń isten shyǵýynan bolǵan eki áýe apatynan keıin tyıym salynǵan bolatyn.
Eýropalyq regýlıator atalmysh ushaqtyń baǵdarlamalyq qamtamasyz etýi, elektronıkasy men paıdalaný nusqaýlyǵy qalpyna keltirilgen, modıtsıkatsııalanǵan nusqasy ǵana usha alatynyn naqtylady.
Boeing 737 Max ushaǵyn tizgindeıtin búkil ushqyshtar qaıta daıarlyqtan ótýi tıis.
Ótken jyly AQSh federaldy avıatsııa basqarmasy Boeing 737 MAX ushaqtarynyń ushýyna ruqsat bergen bolatyn.
Jolaýshylardy tasymaldaǵan alǵashqy kommertsııalyq reıster AQSh pen Brazılııada yń-shyńsyz, tynysh ótti.
Jyl basynda «Boıng» korporatsııasynyń eki áýe apatyna sebep bolǵan is boıynsha 2,5 mlrd dollar ótemaqy men aıyppul tóleıtini belgili boldy.
