Boeing 737 Max laınerin jasaýdy toqtatty
NUR-SULTAN. QazAqparat - Boeing avıakompanııasy 2020 jyldyń qańtarynan bastap 737 serııaly Max avıalaınerin óndirýdi toqtatatynyn málim etti, dep habarlaıdy QazAqparat BBC agenttigine silteme jasap.
Sońǵy eki áýe apatyna baılanysty ushaqty paıdalaný toqtatylǵanyna qaramastan Boeing 737 Max laınerin shyǵaryp keldi.
Byltyr qazan aıynda Indonezııada Lion Air áýe kompanııasyna tıesili osyndaı ushaq apatqa ushyrap 189 adam qaza tapty. Bıyl naýryz aıynda Efıopııada Ethiopian Airlines áýe kompanııasynyń osyndaı modeldegi ushaǵy apatqa ushyrap, 157 adam kóz jumdy. Ekinshi apattan soń kompanııa ushaqtyń osy túrin paıdalanýdy toqtatty.
Qazan aıynda Boeing 737 Max ushaǵy jyl aıaǵyna deıin ushýyn jalǵastyrady dep málimdegen, alaıda ótken aptada AQSh-tyń Federaldyq azamattyq avıatsııa basqarmasy (FAA) laınerdiń ushýyn 2020 jyldyń basyna deıin maquldamaıtynyn jetkizdi.
Kompanııanyń aktsııasy dúısenbi ushaq modelin óndirý toqtatylady degen sybys shyqqannan soń 4,5% tómendedi.
Kompanııa málimdemesinde 400 737 Max modelindegi laıner bar ekenin aıtylǵan. Osy ushaq túrin jasaýshy qyzmetkerler ýaqytsha basqa jobaǵa jiberilip, birqatary «737-ge qatysy bar» jumysqa tartylady, delingen Boeing málimdemesinde.
