Boeing 2025 jyldan bastap Qazaqstanǵa qatynaı bastaıdy
ASTANA. KAZINFORM – Áýe qatynasy týraly Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev bastaǵan qazaqstandyq delegatsııanyń Boeing kompanııasynyń ókilderimen kezdesýi barysynda belgili boldy.
Sapar barysynda qazaqstandyq delegatsııa Boeing ushaqtaryn qurastyrý barysymen tanysty. Sol sátte otandyq áýe kompanııalary úshin ushaqtardy jetkizý máselesi de talqylandy.
«Qazaqstannan AQSh-qa alǵashqy tikeleı áýe reısi Dreamliner 2025 jyldyń sońyna deıin jetkiziletini rastaldy. Atalǵan is-shara Qazaqstannyń áýe parkin nyǵaıtýǵa jáne eldegi áýe tasymalynyń deńgeıin arttyrýǵa arnalǵan», - delingen habarlamada.
Sondaı-aq Boeing ókilderi qazaqstandyq delegatsııany kompanııada júzege asyrylatyn tsıfrlyq transformatsııa barysymen tanystyrdy.
Elimizdiń Tsıfrlyq damý, ınnovatsııalar jáne aeroǵarysh ónerkásibi mınıstrliginiń málimetinshe, Boeing – aeroǵaryshtyq tehnologııalar salasyndaǵy álemdik kóshbasshy kompanııa. Ol tek azamattyq qana emes, áskerı jáne ǵaryshtyq ushaqtardy da shyǵarady. Boeing kompanııasynyń óndiristik qýaty búkil álemde ornalasqan jáne kompanııa óziniń ınnovatsııalyq sheshimderimen jáne joǵary sapa standarttarymen tanymal.
Byltyr Boeing 80 mıllıard dollarǵa jýyq tabys tapqan. Eń qyzyǵy, álemde ortasha eseppen ár 2 mınýt saıyn Boeing ushaǵy ushady.
