Bochenskı men Rýdenkonyń dýbli «Barysqa» jeńis ákeldi
ASTANA. 27 qańtar. QazAqparat - Reseıdiń Qurlyqtyq hokkeı lıgasy aıasyndaǵy kezekti kezdesýinde astanalyq "Barys" Omby qalasynda jergilikti "Avangardty" overtaımda tize búktirdi. Syrt alańda ótken oıyn 5:4 esebimen aıaqtaldy.
Alǵashqy goldy QHL-dyń úzdik shabýylshysy Brendon Bochenskı saldy. Degenmen Sergeı Shırokov «Avangard» klýbynyń esesin kóp keshikpeı qaıtardy. Ekinshi aınalymda Brendon Bochenskıdiń taǵy bir golynyń arqasynda «Barys» 2:1 esebimen alǵa shyqty. Osydan keıin jigerlerin qaıraı túsken reseılik hokkeıshiler astanalyq klýbtyń qaqpasyna eki gol salyp ketti. Shaıba avtorlary - Denıs Kýlıash men Aleksandr Perejogın. Úshinshi aınalymda eki komanda da naǵyz keskilesken oıyn kórsetti. "Barys" oıynshylary Konstantın Rýdenko men Naıdjel Doýs esepti teńestirip qana qoımaı, óz ujymyn alǵa shyǵarsa, "Avangardtyq" Sergeı Kalınınniń sońǵy goly oıyn taǵdyryn overtaımǵa aýystyrdy. Overtaımda Konstantın Rýdenko "Barystyń" mereıin ústem etti. Kelesi match 28 qańtar kúni Astanada "ıÝgra" klýbyna qarsy ótedi.
