Bobyrjan Momynov kelesi jekpe-jegi qashan ótetinin jarııalady

NUR-SULTAN. QazAqparat – Kásipqoı boksta birde-bir márte jeńilip kórmegen qazaqstandyq boksshy Bobyrjan Momynov (10-0, 8KO) kelesi aıqasy qashan ótetinin jarııalady, dep habarlaıdy QazAqparat tilshisi.

«Assalaýmaǵaleıkúm dostar! Kópten kútken sát te jetti. Qudaıdyń qalaýymen 16 maýsymda sharshy alańǵa oralamyn. MGM Grand Arena-da kóriskenshe», - dep jazdy sportshy Instagram-paraqshasynda.

Boks statıstıkasyn júrgizip otyratyn Boxrec.com-nyń jazýynsha, 16 maýsymda Bobyrjan Momynov Las-Vegastaǵy (AQSh) MGM Grand Arena-da 26 jastaǵy amerıkalyq Kemeron Kraelmen kezdesedi.

Eske sala ketsek byltyr Ulttyq boks qaýymdastyǵynyń (NBA) prezıdenti Deımon Gonsales uıymnyń shtab-páterinde Bobyrjan Momynovqa Intercontinental chempıonynyń beldigin tabys etken bolatyn. Júldeni boksshy gúrjilik Anzor Gamgebelıdi jeńgeni úshin alǵan edi.