Bóbekjaı býhgalteri qaryzyn jabý úshin 15 mln teńge jymqyrǵan

ASTANA. KAZINFORM – Bóbekjaı býhgalteri óziniń qyzmet babyn teris paıdalana otyryp, senip tapsyrylǵan asa iri somadaǵy bıýdjet qarajatyn jymqyrǵan. Bul týraly QR Jorǵarǵy sotynyń baspasóz qyzetinen habarlady.

«2021-2023 jyldary jalaqysyna koeffıtsıentin asyra kóterip, banktegi shotyna jalpy somasy 15 mln teńgeden astam aýdarǵan. Ol sotta bul qylmysqa qarjylyq qıyndyqtardan (qaryzyn óteý maqsatynda) barǵanyn túsindirdi. Býhgalter kinásin moıyndap, aıyby kýágerdiń aıǵaqtarymen, saraptama qorytyndylarymen, tólem qujattarymen jáne tergeý amaldary arqyly rastaldy», - delingen taratylǵan málimette.

Іstegen áreketine shynaıy ókinýi, keltirilgen zııandy tolyq óteýi jáne asyraýynda úsh kámeletke tolmaǵan balanyń bolýy jaýapkershilikti jeńildetetin mán-jaılar dep tanyldy.

Ol QK-niń 189-babynyń 4-bóliginiń 2) tarmaǵymen kináli dep tanylyp, 7 jylǵa bas bostandyǵynan jáne 10 jylǵa memlekettik ári kommertsııalyq uıymdarda taýarlyq-materıaldyq qundylyqtarǵa baılanysty laýazymdardy atqarý quqyǵynan aıyryldy. QK-niń 63-babyna súıene otyryp, probatsııalyq baqylaý belgilenip, taǵaıyndalǵan jaza shartty túrde berildi. Úkim zańdy kúshine endi.

Osyǵan deıin Mańǵystaýda sport mekemesiniń bas esepshisi bıýdjetten 117 mıllıon teńge jymqyrǵanyn jazdyq.

Al Stepnogorsk qalasynda memlekettik mekeme býhgalteri 40 mln teńge jymqyrǵan.