«Bóbektiń» shákirtteri Halyqaralyq astronomııalyq olımpıadada joǵary kórsetkishterge ıe boldy
ALMATY. 30 qyrkúıek. QazAqparat /Názıra Eleýhan/ - Búgin Almatyda «Bóbek» ulttyq ortalyǵynda Qazaqstan táýelsizdiginiń 20 jyldyǵy men ıÝ. Gagarınniń ǵaryshqa ushýyna 50 jyl tolýyna oraı arnaıy uıymdastyrylǵan XVI Halyqaralyq astronomııalyq olımpıada óz máresine jetti.
Bir apta boıy 19 elden kelgen 15-17 jas aralyǵyndaǵy 100 shaqty oqýshy bilim dodasynda baq synasty.
Marapattaý rásiminde ádilqazylar alqasynyń tóraǵasy Mıhaıl Gavrılov oqýshylardyń joǵary biliktiligin atap ótip, astronomııa ǵylymyna daryndy jastardyń qosar úlesi zor ekendigin málimdedi. Olımpıadany uıymdastyrýshy, «Bóbek» ortalyǵy observatorııasynyń jetekshisi Vera Zagaınova qatysýshylarǵa atsalysqandyǵy úshin alǵys bildirip, aldaǵy ýaqytta mundaı olımpıadalardy jıi uıymdastyryp turatyndyǵyn atap ótti.
Halyqaralyq olımpıada úsh týrdan turdy. Teorııalyq týrda jas astronomdar esep shyǵaryp, astronomııanyń joǵarǵy deńgeıdegi tórt bólimin qamtıtyn tapsyrmalardy oryndap, qosymsha bilim beretin fızıka iliminiń kosmostyq aspektileri boıynsha bilimderin synǵa saldy. Baqylaý týrynda qatysýshylardyń juldyzdy aspan týraly bilimderi synaldy. Baqylaý týrynda oqýshylar observatorııada júrgiziletin zertteý jumystarymen tanysyp, kózqarastaryn bildirdi.
Halyqaralyq bilim saıysynda úzdik kórsetkishterdi Ońtústik Koreıa, Úndistan jáne Reseıden kelgen oqýshylar kórsetti. Qazaqstannan 7 bala joǵary ball jınap, I, II, III dárejeli dıplomdarǵa ıe boldy: І dárejeli dıplomdy - «Bóbek» ulttyq ortalyǵynyń tárbıelenýshisi Azamat Qalıev, Abdolla Bekzat, ІІ dárejeli dıplomdy - Vadım Ýssık, Madına Bolat, Ahmet Tólegenov, al, ІІІ dárejeli dıplomdy - Kırıll Borodın men Álibek Bekjanov ıelendi.
Shara barysynda, shetelden kelgen qonaqtar Almatynyń kórikti jerlerin - Medeý, Sharyn shatqaly, Shymbulaq, Kóktóbeni aralap, Abaı atyndaǵy opera jáne balet teatry men Qazaqstan tarıhy murajaıyna baryp qaıtty.
Endi, olımpıadanyń kezekti sany 2012 jyly Ońtústik Koreıada ótetin bolady. Saltanatty jabylý rásiminde Qazaqstan olımpıada jalaýyn Koreı eliniń ókilderine tapsyrdy.
